•A alcaldable do BNG destacou que é unha lista «paritaria, liderada por mulleres e que aúna renovación e experiencia»
• A candidata do BNG á alcaldía de Monforte, Pilar López, presentou ao Consello Comarcal a súa proposta de candidatura para as eleccións municipais. Según López, trátase dunha lista paritaria, na que se combinan profesionais de distintos ámbitos e que destaca por estar liderada por mulleres. Pilar López sinalou que o seu equipo «aúna renovación e experiencia, pero sobre todo un obxectivo común, traballar por e para Monforte».
«O EQUIPO QUE GOBERNE ESTA CIDADE DEBE COÑECELA DE CABO A RABO»
«É un equipo cohesionado e leal, que continuará e mellorará un proxecto iniciado hai 12 anos, que converteu a Monforte nunha cidade de referencia no sur da provincia, e que debe seguir loitando porque manteña a súa voz propia dentro e fóra de Galicia.»
Para a candidata nacionalista é «fundamental que o equipo que goberne esta cidade a coñeza de cabo a rabo», e «se preocupe de escoitar e tratar de resolver os problemas dos seus veciños e veciñas». Segundo Pilar López, «non pode ser que quen teña aspiracións de liderar o proxecto de modernización e mellora de Monforte, pase máis tempo fóra de aquí velando polos intereses dun partido».
INTEGRANTES DA LISTA DO BNG ÁS MUNICIPAIS EN MONFORTE
A candidatura que presenta o BNG ás municipais en Monforte está encabezado por Pilar López Martínez, profesora de ensino secundario, que lidera a lista integrada por Alicia Cadarso Palau, médico no Hospital Comarcal de Monforte; Mª Xosé Vega Buján, profesora de ensino secundario; Emilio José Sánchez Iglesias, industrial; Víctor López Mateo, industrial; Rosa Ana Somoza Vila, xubilada; Antonino Luaces Díaz, agricultor; Salvador Pagazaurtundúa Gómez, médico no Hospital Comarcal de Monforte; Ana María Casal Rivas, médico do Hospital Comarcal de Monforte; Alejandro Martínez Rodríguez, ferroviario; Xosé Lois Losada Lago, funcionario de prisións; José Luis Rodríguez Rivera, ferroviario; Mª Isabel Sánchez Montenegro, mestra de educación primaria; Iván Álvarez Merayo, responsable local do BNG e arqueólogo; Mª Fe Martínez Coutado, moza de almacén; Manuel García Gómez, autónomo; e Mª Carmen Fernández Cid, pensionista.•
Cargando ...
