Lectura solidaria entre xeracións para celebrar o Día do Libro na Residencia de Maiores do Malecón

Xoves e maiores celebraron o Día do Libro na Residencia do Malecón en Monforte. (Foto cedida).

• A Residencia de Maiores do Malecón en Monforte celebrou o Día do Libro cun evento interxeracional. Un grupo de alumnas e alumnos do IES A Pinguela, acompañados pola profesora María Xosé Vidal, acudiron á Residencia para compartir esta xornada cultural cos maiores, e convertir esta efeméride da lectura nun acto cheo de convivencia e solidaridade.

Baixo o lema «Ler é compartir», os rapaces e rapazas agasallaron aos residentes do Malecón cunha hora de lecturas interpretadas. Vontade de agradar, boa técnica na dicción e gran gusto pola lectura caracterizaron a interpretación destes xoves lectores, que compartiron desinteresadamente e con entusiasmo o seu gusto polos libros. Os maiores da Residencia do Malecón quedaron encantados con esta visita, que se inserta dentro dun programa de actividades que o equipo docente do IES A Pinguela vén desenvolvendo ao longo de todo o curso con esta institución.

A animadora e coordinadora de actividades culturais da Residencia, Paqui Abeledo, amosou o seu agradecemento ao alumnado e profesorado do instituto «por esta convivencia chea de sentimento e ledicia».

Deixa unha resposta

Your email address will not be published.

Nova Anterior

Creatividade plástica para conmemorar o Día do Libro no IES Xograr Afonso

Seguinte Nova

Contacontos no Día do Libro para os cativos de Sober

Últimas noticias sobre CULTURA

Maika Makovski

Unha das actuacións estelares do 17º Ribeira Sacra Festival Onte arrincou unha nova edición do 17º

A %d blogueros les gusta esto: