• O partido que lidera Julia Rodríguez puxo a disposición de colexios e familias un caderno didáctico sobre este personaxe fundamental na historia de Monforte
• A candidata do Partido Popular á alcaldía de Monforte, Julia Rodríguez, acompañada por membros do seu equipo electoral, liderou unha iniciativa de carácter educativo-cultural que os populares desenvolveron durante a semana da celebración do Día do Libro.
ACHEGAR A FIGURA DO VII CONDE DE LEMOS AOS MÁIS NOVOS
Durante os días previos a esta efeméride cultural, que anualmente se celebra o 23 de abril, os membros do PP monfortino puxeron a disposición das ANPAS dos centros educativos de primaria da cidade un caderno de lecer e aprendizaxe centrado na historia do VII Conde de Lemos. Con este material, os responsables desta iniciativa pretenden que os alumnos e alumnas de Monforte «coñezan máis de cerca a figura do estadista e diplomático, como unha maneira de reivindicar a súa importancia e a necesidade de potenciar a súa relación coa cidade».
Según explicou Julia Rodríguez, esta proposta desenvolvida polo Partido Popular de Monforte tivo unha doble vertente, xa que, por unha banda, buscou reivindicar a figura do VII Conde de Lemos dende o ámbito educativo «para chegar dende os máis novos e de xeito didáctico a todos os monfortinos».
CRÍTICA AO GOBERNO LOCAL «POR NON ORGANIZAR NIN UNHA SOA ACTIVIDADE NO ANIVERSARIO DA PUBLICACIÓN DA SEGUNDA PARTE DO QUIJOTE»
Por outra banda, Julia Rodríguez referiuse a unha vertente de denuncia ao Gobierno local «porque catro meses despois de terse iniciado o aniversario da publicación do segundo tomo de «El Quijote» que Cervantes lle adicou a VII Conde de Lemos non foi capaz de organizar unha soa actividade para potenciar e recuperar a súa figura».
Ademais de facer entrega de exemplares deste caderno para os centros educativos de Monforte, os populares instalaron un posto na rúa Cardeal o propio Día do Libro, para facer chegar este material a todas as familias de Monforte.•
Cargando ...
