• O sábado 18 de abril disputouse no OCA Augas Santas Golf o Torneo Previo LET Access Series 2015 no que os participantes competían polos premios e as clasificacións para o Torneo PROAM LET Access, se disputou o día 28.
O vencedor scratch foi o lucense Oscar Trinidad cun resultado de 29 puntos. Na primera categoría ata hándicap 16,0, o vencedor foi Manuel Caramés con 33 puntos, seguido de José Luis Sánchez «Grande» con 31 puntos, e César Varela con 30 puntos.
Na segunda categoría a vencedora foi a local Teresa Dasilva con 32 puntos, seguida de Isabel Fernández e de José M. Naveira, ambos con 30 puntos. Todos eles participaron no ProAm, onde poideron compartir partida coas mellores xogadoras femininas do circuíto europeo.
MANUEL HERNÁNDEZ E O COMBINADO GALEGO, SEGUNDO POSTO NO CAMPIONATO INTERAUTONÓMICO SUB-18
Por outra banda, o xove monfortino Manuel Hernández continúa a súa extraordinaria proxección deportiva ao acadar o segundo posto dentro do Campionato Interautonómico Sub-18 que disputou co combinado de Galicia. A proba, disputada en Ávila os días 18 e 19 de abril, deu o triunfo ao País Vasco, a pesares do magnífico traballo da representación galega. A proba disputouse por parellas, que por parte de Galicia estivo defendida polo dúo Manuel Hernández e Alejandro Nimo, e pola parella formada por Jesús Ouro e Iñigo López Pizarro.•
