O Círculo Saviñao organizou a mediados deste mes o Concerto Sacro da Coral do Liceo de Ourense na igrexa de Escairón. A música de T.L. de Victoria, Gounod, Verdi, Mozart, Bárdos e Mascarini, entre outros, foi dirixida por Yolanda Grela Betoret, e interpretada pola emblématica Coral e polos seus solistas Teté Torre, Elena Álvarez e Pedro Rivera, coa colaboración ó piano de Ángel Losada Nine. A boa acústica do templo axudou a conseguir unha gran obra musical que desfrutaron os numerosos veciños de Escairón presentes no concerto. Dende o Círculo Saviñao agradeceron a sempre desinteresada e incondicional colaboración dos sacerdotes da parroquia para que o concerto se desenrolara nas mellores condicións. (Foto cedida).•
Cargando ...
