• O programa Cultura no Camiño, posto en marcha pola Consellería de Cultura, Educación e Ordenación Universitaria, organiza durante o mes de maio un total de catro espectáculos en concellos do sur lucense.
SOBER E QUIROGA
O venres 8 ás 17,30 horas, a Biblioteca Municipal de Sober acollerá o espectáculo de teatro infantil «Carteiro en bicicleta», desenvolvido pola compañía A Trastenda dos Contos. O sábado 9 de maio, o Auditorio Municipal de Quiroga será o escenario da representación musical «Rúa & Xestren en concerto», a partir das oito da tarde.
MONFORTE E PARADELA
Cultura no Camiño fará parada en Monforte o xoves 14 de maio, co espectáculo teatral «Galego pode ser calquera. Manual do bo galego» que Alberte Montes porá en escea no Centro Cívico a partir das 20 horas. Por último, o Polideportivo Municipal de Paradela acollerá, o domingo 17 de maio ás 19 horas, o espectáculo de maxia «Spiral», a cargo de O Mago Gusi.
