Iníciase en maio a segunda fase do programa de venda de solo industrial en Monforte

Núñez Feijóo precisou que este programa establece bonificacións de ata o 50% O presidente da Xunta lembrou que o Porto Seco de Monforte e o polígono de Pazos, en Verín, serán os dous grandes parques beneficiados

O Porto Seco de Monforte ofrecerá parcelas cun desconto de ata o 50% no seu prezo. Arquivo EC.
O Porto Seco de Monforte ofrecerá parcelas cun desconto de ata o 50% no seu prezo. Arquivo EC.

• O presidente da Xunta de Galicia, Alberto Núñez Feijóo, anunciou a posta en marcha no mes de maio da segunda fase do Programa de venda de solo empresarial, que establecerá bonificacións de ata o 50% nos parques empresariais xestionados polo Instituto Galego de Vivenda e Solo (IGVS). O titular autonómico precisou que este programa «establecerá prezos bonificados en 21 parques empresariais, con aproximadamente 500.000 metros cadrados, e os dous grandes polígonos que se van beneficiar son o Porto Seco de Monforte e o parque empresarial de Pazos, en Verín».

O Consello da Xunta aprobou o pasado 23 de abril o decreto polo que se regula o réxime xurídico do solo propiedade do IGVS, que fai posible establecer bonificacións no prezo de todos os parques empresariais que xestiona, e tamén incluír outras medidas para incentivar a actividade empresarial en Galicia, como son a flexibilización das formas de pago deste tipo de solo. Este novo decreto dá notables facilidades, xa que permite establecer aprazamentos de pago, regula a permuta de solo por edificación, e tamén permite a adxudicación de parcelas en dereito de superficie. Tamén o decreto inclúe a posibilidade de adxudicación directa de parcelas cando se trate de ampliacións dun parque empresarial xa existente. O decreto posibilita asimesmo a adxudicación directa a favor de fundacións públicas autonómicas ou empresas con capital participado polo IGVS, a Xunta ou outras entidades do sector público autonómico, así como cando se trate de parcelas para proxectos empresariais declarados singulares.

Por outra banda, este decreto regula a posibilidade de adxudicación de solos aínda non urbanizados a empresas que polas características do seu proxecto necesitan grandes superficies. Isto permitirá que a urbanización se adapte perfectamente ás necesidades da empresa, facilitando así a súa implantación.•

Deixa unha resposta

Your email address will not be published.

Nova Anterior

Os irmáns Burgo, terceiro posto no Rally Islas Canarias e con opcións ao Campionato de España

Seguinte Nova

O Hospital de Monforte crea comités de tumores para abordar de xeito multidisciplinar as patoloxías oncolóxicas

Últimas noticias sobre ECONOMÍA

   
A %d blogueros les gusta esto: