•Este empresario, que concorre por primeira vez nunha lista electoral, agradeceu a confianza depositada no seu proxecto baseado «na necesidade de cambiar as cousas»

• Os socialistas de Pantón aprobaron este mes a Pedro Rodríguez Palacio como candidato á alcaldía para as eleccións municipais. Este empresario de 44 anos lidera a candidatura socialista que presenta unha renovación case absoluta.

Rodríguez Palacio explicou que «é unha lista con moita renovación, con xente nova e moi preparada, con moitas ganas de cambiar as cousas e mellorar o municipio, pero sempre apoiándonos en xente con moita experiencia, como os concelleiros saíntes do PSOE, que tamén están na nova lista».

Palacio agradeceu a confianza depositada no seu proxecto baseado «na necesidade de cambiar as cousas». «Presentámonos como unha oportunidade de cambio, unha alternativa ás políticas do PP que neste concello actúa baixo a desilusión, levando ao derrotismo», subliñou. O alcaldable socialista indicou que «fronte a un goberno do PP que non cre no futuro e que non plantexa nada, os socialistas apostamos por unha idea de goberno dinámica, coa vontade de facer cousas e desenvolver o municipio», tendo como «prioridade aos nosos veciños, polo que traballaremos para desenvolvendo políticas que sexan capaces de atender as súas necesidades». Ademais de Palacio, a lista está formada por Mario Sánchez San Emeterio, presidente do comité de empresa Balneario de Ferreira; Roberto Prado Díaz, funcionario; Ariadna López González, estudante; Antonio Blanco Rodríguez, operario forestal; Ramón Quiroga Rodríguez, autónomo; Victoria Magdalena López, enxeñeiro técnico agrícola; Camilo Vázquez Goyanes, empregado da construción; Jesús López Quiroga, empresario; Terri Anderson, xubilada; e Manuel Dacosta Ribera, empresario. Como suplentes, J. Antonio Soengas Vázquez, médico; Luis González Pérez, autónomo; e Egoitz de Arriba Castro, maquinista de TRAGSA.•