• As xoves ximnastas de Sarria acadaron un excelente resultado no Campionato Provincial Escolar celebrado en Viveiro a comezos deste mes, copando os podios desta proba, clasificatoria para o Campionato Galego.
PREBENXAMÍNS DE AIXA, CAMPIONAS PROVINCIAIS
Por unha banda, as prebenxamíns da Asociación Deportiva Aixa, Fabia, Xana, Antía, Katherine e Isaura proclamáronse campionas provinciais, e as cadetes da Escola de Ximnasia Quicela, Elena, Saray, María e Lucía acadaron o segundo posto. Ambos equipos garantiron así a súa presencia no Campionato Galego, que se celebrará o 31 de maio en Santiago.
CATRO PODIOS PROVINCIAIS PARA AS XIMNASTAS DO CLUBE XIRANDELA
Asimesmo, as deportistas do Clube Xirandela cumpliron cun excelente campionato provincial, acadando o ouro na categoría benxamín e alevín, e o bronce en infantil. Pola súa banda, o conxunto cadete conseguiu o segundo posto na proba de Promoción. Estes resultados sitúan á ximnasia rítmica de Sarria con opcións no máximo nivel de Galicia.•
