Baixa o paro en abril nas comarcas de Chantada, Lemos e Sarria

•O descenso máis significativo foi o da comarca sarriana, cun 4,46% menos de paro respecto a marzo •Na comarca de Lemos o paro baixou un 3,71%, e na de Chantada un 3,21% •No conxunto da provincia, a baixada foi do 3,54%

O mes de abril rexistrou boas cifras de emprego no sur de Lugo, con baixadas do paro en todas as comarcas agás Quiroga.  EC.
O mes de abril rexistrou boas cifras de emprego no sur de Lugo, con baixadas do paro en todas as comarcas agás Quiroga. EC.

 

• O mes de abril rexistrou boas cifras de emprego no sur de Lugo respecto a marzo, cunha caída do paro en todas as comarcas agás Quiroga.

DATOS POR COMARCA E PROVINCIA
O descenso máis significativo no número de desempregados contabilizouse na comarca de Sarria, cun 4,46% menos de parados respecto a marzo, contabilizando 1.561 desempregados. A continuación, situouse o descenso do paro na comarca de Lemos, cunha baixada do 3,71%, e 2.305 desempregados en total. Na comarca de Chantada, o paro descendeu un 3,21%, para situarse nos 842 desempregados. Por contra, a comarca de Quiroga rexistrou un débil aumento na taxa de desemprego, cunha subida en abril do 0,46%, cun total de 430 parados rexistrados.
En canto á provincia, Lugo contabilizou a terceira baixada do paro en Galicia, cun 3,54% parados menos que en marzo, e unha cifra total de desempregados de 24.039 a finais de abril.
LEVE AUMENTO DO PARO EN 5 MUNICIPIOS DO SUR LUCENSE
Os datos por municipios rexistran un descenso xeralizado do desemprego, agás no Concello de Quiroga, onde se mantén a cifra de 287 parados, situación que tamén se dá en O Páramo, que sigue con 56 desempregados. Só se rexistrou un aumento do paro en Folgoso do Courel, cun 1,8% máis (55 en total); en Ribas de Sil, cunha suba do 1,14% (88 parados en total); en O Saviñao, con 2,05% parados máis (248 en total); en Sober, cun 3,84% máis de paro (125 desempregados en total); e por último en Bóveda, con 1,23% máis de paro (82 parados ao remate de abril).

A MEIRANDE PARTE DOS CONCELLOS REXISTRARON CAÍDAS DO PARO
As mellores porcentaxes déronse no mes de abril no municipio de Monforte, onde a taxa de paro baixou un 5,39% respecto a marzo, contabilizando 1.560 parados. Pola súa banda, o concello de Sarria rexistrou unha caída do paro do 3,45%, situando o número final de parados en abril en 1.091persoas. Asimesmo, o municipio de Chantada contabilizou 576 desempregados, o que supón un descenso do 3,03% no número de parados.

UGT-LEMOS ALERTA CONTRA A PRECARIEDADE DO EMPREGO
O sindicato UGT-Lemos fixo unha valoración dos datos do paro nas comarcas de Lemos, Chantada e Quiroga, criticando que a afiliación á Seguridade Social está «moi lonxe da que tiñamos antes da crise». O secretario xeral de UGT-Lemos Mario Docasar, lembrou que a afiliación sitúase nestas comarcas nun 1,9% respecto ao mes anterior, e nun 9,4% respecto ao ano. Asimesmo, Docasar alertou de que «cada vez hai máis parados en situación de exclusión social», dado que só cobran prestación un 55%, «mentres que en 2013 a porcentaxe era do 64%». Dende UGT-Lemos criticaron tamén que só o 49% dos contratos son a tempo completo.•

Deixa unha resposta

Your email address will not be published.

Nova Anterior

A Deputación creará un banco de vivendas deshabitadas

Seguinte Nova

O web do servizo de Cardioloxía do Hula recibe o Premio #INLugo, na categoría de Educación e Formación

Últimas noticias sobre ECONOMÍA

   
A %d blogueros les gusta esto: