O Camiño, aula aberta para aprender idiomas en Sarria

• Alumnado de Francés do IES Xograr Afonso entrevistou a sarriáns que residiran no estranxeiro, así como a peregrinos francófonos, nunha interesante actividade pedagóxica

El pase de diapositivas requiere JavaScript.

 

 

•O pasado 30 de abril, un total de 37 alumnos e alumnas do IES Xograr Afonso Gómez dos cursos de 3º e 4º da ESO, e de 1º de Bacharelato, participaron nunha actividade lingüística no Camiño de Santiago, ao seu paso por Sarria, proposta polo departamento de Francés.
En primeiro lugar, entrevistáronse con persoas que residen en Sarria, e que por razóns familiares, laborais ou culturais, aprenderan francés e o empregaran con asiduidade nas súas ocupacións laborais. Persoas do Bar Camiño Francés, Restaurante Mesón Tapas, Restaurante Matías Locanda Italiana, Restaurante O Chanto, Hotel Alfonso IX, Hotel Vila de Sarria, Albergue Monasterio La Magdalena e Oficina de Turismo de Sarria, prestáronse amablemente a colaborar nesta tarefa de fines pedagóxicos.
A continuación, os alumnos buscaron peregrinos francófonos en diversos puntos do Camiño, dende Vigo de Sarria ata a Ponte Áspera, e nas estacións de bus e tren, supermercados, ou a oficina de turismo, para falar con eles en francés sobre diversos aspectos da súa viaxe.
O traballo completouse cun cuestionario gramatical, baseado en diversos monumentos de Sarria.•

Deixa unha resposta

Your email address will not be published.

Nova Anterior

O ex xogador da NBA Terry Porter, de Camiño por Sarria

Seguinte Nova

O Consorcio de Turismo ensina a Ribeira Sacra ao persoal de turismo e hostelería ourensá

Últimas noticias sobre ASOCIACIONISMO

A %d blogueros les gusta esto: