• O 9 de maio entregáronse os Premios #INLugo, dentro das actividades do III Congreso de Cultura Dixital e Redes Sociais, celebrado a segunda fin de semana de maio en Lugo. Na categoría de Educación e Formación, foi premiada o web do Servizo de Cardioloxía do HULA (www.cardiologia-lugo.com), pola importancia da difusión de información das enfermidades cardiovasculares entre a poboación, o que repercute na mellora da saúde dos cidadáns. Ademais, o xurado tivo en conta o emprego na web dunha linguaxe próxima e accesible, e por colaborar coa formación dos médicos de atención primaria cos seus contidos. É o primeiro web dun servizo de área médica do HULA con enfoque formativo e educativo.•
