• Vicepresidencia da Deputación destina 70.000 euros ao centro da asociación Raiolas, e 28.000 euros para o de persoas con dano cerebral en Lugo
• A Vicepresidencia da Deputación de Lugo destinará 70.000 euros para que a asociación Raiolas abra un centro para persoas con autismo en Lugo, nas instalacións que ocupaba a gardería do campus, propiedade da Deputación, e outros 28.000 para que Adace poida poñer en marcha un centro de atención diurna a persoas con dano cerebral.
PRETO DE MEDIO MILLÓN DE EUROS ANUAIS EN AXUDAS A 35 COLECTIVOS LUCENSES
O organismo provincial aprobou o día 22 estes dous convenios, que veñen sumarse aos preto de 50 suscritos este ano pola Área de Benestar da Deputación. O vicepresidente provincial, Antonio Veiga, explicou que este departamento colabora con 35 asociacións de todos os ámbitos do benestar, a discapacidade e os servizos sociais de toda a provincia de Lugo, entre os que están Alzheimer Monforte, Auxilia Monforte, Alzheimer Chantada ou Special Olympics. Para apoiar os programas que desenvolven os 35 colectivos lucenses, a Vicepresidencia vén destinando unha partida anual de máis de 300.000 euros, aos que se suman diversos convenios excepcionais, ata sumar preto de medio millón de euros ao ano.•
