• Dende comezos deste mes, e ata o 6 de xuño, ACES -Sarria ten en marcha a campaña 60 x 1.000, na que o gañador ou gañadora poderá gastar 1.000 euros en compras no comercio sarrián nun máximo dunha hora.
GRAN ÉXITO DA PASADA EDICIÓN
Esta iniciativa, que se estreou o ano pasado con gran éxito, volve con forza para animar aos consumidores a comprar nos establecementos do comercio asociado en Sarria.
GASTAR 1.000 EUROS NUNHA HORA, COMPRANDO NUN MÍNIMO DE 9 TENDAS E GASTANDO EN CADA UNHA ATA 250 EUROS
O formato da campaña é o que sempre emprega ACES neste tipo de iniciativas. Por cada compra realizada nos establecementos asociados, o consumidor depositará o seu boleto cos datos persoais nas urnas instaladas nos comercios. Ao remate da campaña, terá lugar un sorteo entre todos os tickets depositados. O titular do boleto afortunado terá que gastar 1.000 euros nun prazo máximo de 60 minutos. Pero ademais, estas compras terán condicións, xa que o concursante premiado terá que mercar como mínimo en 9 tendas das participantes na campaña, e cunha compra máxima por tenda de 250 euros.•
Cargando ...
