• Con motivo da conmemoración do ano 2015 como ano Lois Pereiro, o Concello de Monforte vén de presentar un libro sobre a figura deste poeta monfortino. A edición, que non está destinada á venda, contou cunha tirada de 300 exemplares. O destino destas copias serán os centros educativos da cidade e as bibliotecas públicas da comarca, co obxectivo de dar a coñecer máis a figura e a obra deste emblemático poeta.
A publicación divídese en dúas partes, das que a primeira recolle as intervencións dos membros da Real Academia Galega no 2011, cando se dedicou o Día das Letras Galegas a Lois Pereiro. A segunda está composta por unidades didácticas para alumnado de Educación Infantil, 3º Ciclo de Primaria, ESO e Bacharelato, elaboradas pola profesora de ensino secundario Mª Dolores Cid Cid. •
Cargando ...
