25 centros do sur lucense recibirán axudas de Educación para programas de fomento do uso do galego

A Xunta de Galicia vén de aprobar este mes a resolución das axudas para o fomento do uso do galego en centros escolares públicos e privados, dotadas cun total de 322.600 euros. Un total de 99 centros privados e 846 centros públicos serán os beneficiarios destas axudas para o financiamento das actividades que realizan os equipos de dinamización da lingua galega dos colexios e institutos do territorio galego. Destes, 25 centros corresponden ao sur de Lugo, que inclúen os colexios públicos de Bóveda, Carballedo, Folgoso, Chantada, O Incio, O Páramo, Samos, Brollón, Quiroga, O Saviñao, e Triacastela, así como os dous CEIP de Sarria e de Monforte, e a escola de educación infantil de Sarria. Tamén están incluídos nesta orde de axudas os tres institutos de Monforte, os dous de Chantada, os dous de Sarria e o IES de Quiroga.•