•Un dos convenios que vén de aprobar a Área de Cultura da Vicepresidencia da Deputación permitirá a posta en valor da ponte medieval de Carracedo, en Láncara

• As últimas actuacións en materia de convenios culturais da Vicepresidencia da Deputación están destinadas a apoiar a produción audivisual, a normalización lingüística e a recuperación do patrimonio lucense. Según explicou o responsable deste departamento, Mario Outeiro, o montante destes convenios asinados con diferentes institucións e coelctivos ascende a 340.000 euros.
Outeiro compareceu en rolda de prensa para explicar os detalles dos diversos proxectos.
Na recuperación do patrimonio, a Deputación achega preto de 127.000 euros. Entre as actuacións, cabe destacar a posta en valor da ponte medieval de Carracedo, en Láncara, ou arranxos na igrexa de Cereixedo, en Cervantes.
No aspecto de normalización da lingua galega, o organismo provincial achega146.000 euros para apoiar o traballo de diversas institucións e iniciativas, como a Real Academia Galega ou o Correlingua, entre outras. Ademais, achegará outros 100.000 euros para sufragar os gastos de contratación de técnicos de normalización lingüística en Concellos da provincia de Lugo
En canto ao audiovisual, a Deputación continúa coa súa aposta polo audiovisual galego e «por conseguir que a provincia de Lugo e os seus enclaves naturais e paisaxísticos sexan protagonistas nos filmes galegos». Un dos proxectos que conta co apoio do organismo provincial é a longametraxe de ficción «Dhogs», da produtora de Meira GaitaFilmes, e que introduce seis historias paralelas que arrincan no noso rural. Pola súa banda, o documental «Pelerinaxes», dirixido por Simeone Saibene e producido por Noveolas, recrea o camiño a pé de Ourense a San Andrés de Teixido que o escritor galego fixo en 1929 en compañía de Risco e Fernández-Oxea. O documental está protagonizado pola actriz lucense Carmen Méndez.
Lugo tamén estará presente na superprodución «Galaicus», da man de Zircocine e protagonizada por Luís Tosar. O filme, que se estreará entre 2015 e 2016, narra con base histórica e elementos de ficción como foi o primeiro contacto dos pobos galaicos coa lexións romanas no século II a.C.
A Deputación tamén apoia ao filme A Esmorga, que xa superou os 40.000 espectadores, e que foi a primeira longametraxe en galego nominada aos Premios Goya.•