• O bar A Troula recibiu o premio do público na sétima edición do Cume Tapas de Monforte. A tapa denominada “Octopus” proclamouse campiona deste concurso organizado pola delegación sur da Asociación Provincial de Empresarios de Hostelería e Turismo de Lugo (APEHL).
MON COME Y SUEÑA ACADA O SEGUNDO PREMIO DO PÚBLICO
En segundo lugar, o público recoñeceu á tapa elaborada polo establecemento Mon Come y Sueña, que presentou unha proposta a base de lombo de pescada, crema de pataca e Cebreiro en niño crocante.
EL CELLER COMPLETOU O PODIO DO PREMIO OUTORGADO POLO PÚBLICO
O terceiro posto do podio foi para El Celler, coa tapa denominada “Xauxa”. Este establecemento mantén así a súa presencia entre os gañadores por segundo ano consecutivo, xa que foi campión da pasada edición deste concurso gastronómico.
PREMIOS DO XURADO PROFESIONAL
O xurado profesional do Cume Tapas 2015 tamén deu a coñecer o seu veredicto. Na categoría de tapa tradicional, o vencedor foi El Convento Golf, mentres que en tapa creativa, gañou El Celler, tamén merecedor do premio á mellor maridaxe con viño da Ribeira Sacra.
Os premios para o público corresponderon a Ramón Gómez, gañador dunha viaxe a Milán, e Marcos Salgueiro, que acadou unha viaxe a Londres. Pola súa banda, Carlos Salgueiro e Armando Trashorras gañaron cadanseu paquete de turismo rural. •
Cargando ...
