• Ata o 24 de xullo estará aberto o prazo para enviar traballos ao Certame Poético que organiza o Concello de Quiroga a través da Oficina da Xuventude.
CATEGORÍAS
Pode participar calquer persoa que o desexe, e se establecerán dúas categorías xerais, para autores locais e non locais, e tres por idades. A categoría xuvenil inclúe autores de 12 a 18 anos, a senior de 19 a 35 anos, e a dourada de 35 anos en adiante.
CARACTERÍSTICAS
Cada participante poderá presentar un máximo de dous poemas, escritos en galego ou en castelán. As composición terán un mínimo de 20 versos e un máximo de 100, con métrica e temática libres.
Os datos autoriais presentaranse en sobre pechado, indicando dentro a dirección e o teléfono do participante. No exterior só figurará o título do poema e a categoría na que compite. Enviaranse á Casa da Cultura, rúa Xardíns, s/n, 27320, Quiroga. Haberá un primeiro premio de 100 euros máis diploma, e un segundo e terceiro dotados con trofeo e diploma, que se entregarán o 7 de agosto ás 00,00 horas na zona dos pubs.•
