Aprobada unha nova liña de axudas para o pequeno comercio

•A Consellería de Economía deu luz verde este mes a un programa de achegas dotado de 800.000 euros •Subvencionará actividades de dinamización a través de asociacións e federacións de comerciantes

As axudas por federación ou asociación de comerciantes serán dun máximo de 70.000 euros para actividades de dinamización. (Arquivo EC).
As axudas por federación ou asociación de comerciantes serán dun máximo de 70.000 euros para actividades de dinamización. (Arquivo EC).

 

• Ata comezos do vindeiro mes de xullo, as asociacións e federacións de comerciantes poderán solicitar as axudas que a Consellería de Economía e Industria vén de aprobar, e que suman unha partida de 800.000 euros.

AS AXUDAS CUBRIRÁN ATA O 70% DO CUSTE DA ACTIVIDADE
Según explican as bases publicadas no Diario Oficial de Galicia do 2 de xuño, estas axudas irán destinadas a federacións e asociacións de comerciantes de ámbito superior ao municipal para o desenvolvemento de actuacións de impulso da demanda comercial, así como iniciativas encamiñadas á promoción das vendas, e aquelas relacionadas co incremento da actividade comercial. O importe de cada axuda sufragará ata o 70% dos investimentos a realizar. A contía máxima da axuda será de 70.000 euros no caso das federacións que conten con 20 ou máis asociacións integradas, e para as federacións que non alcancen este número de membros, a contía das achegas terá un máximo de 48.000 euros. No caso das asociacións de ámbito superior ao municipal, o apoio será dun máximo de 13.000 euros.

PRETO DE 8,5 MILLÓNS EN AXUDAS ESTE ANO
O ano pasado foron máis dunha vintena as federacións e asociacións de comerciantes beneficiadas por este tipo de axudas. Dentro da estratexia de impulso ao asociacionismo comercial da Consellería de Economía e Industria, activouse tamén a a liña de axudas ás asociacións de comerciantes para a dinamización dos centros comerciais abertos e as asociacións das prazas de abastos, dotada con 2,2 millóns de euros e que se atopa en fase de resolución.
Este ano xa se destinaron preto de 8,5 millóns a programas específicos de apoio ao sector comercial, centrados na innovación e a modernización, relevo comercial, ou potenciación das prazas de abastos.•

Deixa unha resposta

Your email address will not be published.

Nova Anterior

Presentan a reedición do volume “Heráldica de Pantón”

Seguinte Nova

A Xunta promove o reinvestimento de polo menos o 40% dos ingresos xerados nos montes

Últimas noticias sobre ASOCIACIONISMO

A %d blogueros les gusta esto: