• A cita será o 14 de xullo • Haberá premios para os dous vehículos de dúas rodas mellor conservados
• Un amplo programa de actividades animarán a celebración da XIII Feira Tradicional Outrora, que se celebrará o vindeiro 14 de xullo en Rubián.
I CONCENTRACIÓN BICIS ANTIGAS CON PREMIOS E AGASALLOS
Dende o Concello de Bóveda anunciaron como novidade deste ano a I Concentración-Exhibición de Bicicletas Antigas, unha orixinal iniciativa para os amantes dos vehículos de época, e que require inscrición previa no Concello. Todos os propietarios que participen coas súas bicicletas antigas recibirán un agasallo da organización, que recoñecerá cun primeiro e segundo premio ás bicicletas mellor conservadas.
OBRADOIROS, ANIMACIÓN INFANTIL E DEMOSTRACIÓNS PARTICIPATIVAS
Ademais, e como todos os anos, a Feira Tradicional Outrora ofrecerá diversas iniciativas para facer desta cita un evento dinámico e participativo.
En primeiro lugar, dende o Concello de Bóveda convidan a veciños e visitantes a acudir vestidos de época, con traxes e atavíos conforme ao ambiente rural galego de finais do século XIX e comezos do XX.
Unha vez na feira, os asistentes poderán disfrutar de obradoiros de artesanía, a festa da espuma, maxia, tiro con arco, demostracións participativas dos oficios tradicionais, música e etnografía, nunha xornada completa de animación.•
