• Baixo o lema «Apaga o teu cigarro, acende a túa vida!», o centro de Monforte celebrou o Día Mundial Sen Tabaco
• A Unidade Asistencial de Drogodependencias de Monforte (UAD) celebrou o Día Mundial Sen Tabaco instalando unha mesa informativa con material divulgativo.
POTENCIACIÓN DE POLÍTICAS EFICACES NA REDUCIÓN DO CONSUMO DE TABACO
A Organización Mundial da Saúde (OMS) adica o 31 de maio a concienciar á poboación dos riscos que supón o consumo de tabaco para a saúde. Ao mesmo tempo, o organismo internacional trata de potenciar políticas eficaces de redución do consumo do tabaco. Este ano, o tema do Día Mundial Sen Tabaco é «Alto ao comercio ilícito de produtos do tabaco», e dende a OMS lembraron que o tabaquismo mata cada ano a case seis millóns de persoas, das que máis de 600.000 son non fumadores que morren por respirar fume alleo.
Según explican nestas campañas divulgativas dende a OMS, o tabaquismo é a principal epidemia prevenible á que se enfronta a comunidade sanitaria.
Pola súa banda, dende a mesa informativa da UAD de Monforte alertaron das consecuencias non só físicas desta adicción, senón tamén «dos flaxelos sociais, ambientais e económicos que se derivan do consumo do tabaco e da exposición ao fume que desprende». O obxectivo é contribuír a protexer destes efectos ás xeracións presentes e futuras.•
Cargando ...
