• O pasado 24 de xuño, a popular Elena Candia López foi elixida presidenta da Deputación de Lugo, o que a convirte na primeira muller que accede á presidencia desta institución. A elección de Candia veu precedida pola polémica no desenvolvemento do Pleno de constitución da Corporación provincial, xa que o deputado socialista Manuel Martínez non apoiou ao candidato proposto polo grupo socialista, Darío Campos, votándose a si mesmo na primeira votación, e emitindo un voto en blanco na segunda. Con esta situación, produciuse un empate técnico entre os dous candidatos, o socialista Campos e a popular Candia, que se resolveu a favor da mindoniense por ser a lista máis votada na provincia. Elena Candia é alcaldesa de Mondoñedo, vila na que naceu en 1978. Licenciada en Dereito, viña desenvolvendo as tarefas de voceira do grupo Popular na Deputación durante o último mandato.•
