• Dende o 22 de xuño está aberto o prazo para inscribirse no programa Concilia no Verán 2015, organizado polo Concello de Sarria e que ofrece actividades para os máis novos.
CAMPAMENTOS DE CONCILIACIÓN POR QUENDAS QUINCENAIS
A programación inclúe os Campamentos de Conciliación para nenos os meses de xullo e agosto, distribuídos en quincenas con dúas quendas simultáneas. A primeira quenda son as Mañás Culturais, para nenos e nenas de 3 a 12 anos, que se desenvolverán de 9,30 a 14 horas na Casa da Cultura. A segunda quenda, ou Mañás Deportivas, está pensada para nenos e nenas de 4 a 12 anos, e serán de 10 a 14 horas no pavillón do Chanto.
Os Campamentos de Conciliación teñen prazas limitadas. O prezo por quincena e quenda é de 8,86 euros.
CURSOS DE NATACIÓN
Os cursos de natación distribúense en xullo e agosto por quendas quincenais de media hora, entre as 12,30 e as 15 horas, de luns a venres agás festivos. Para nenos menores de 4 anos o horario será de 14 a 14,30 horas. O custo por quincena e quenda é de 13,34 euros, e de 26,61 euros por mes e quenda, con descontos para irmáns.
HORARIO DAS PISCINAS
As piscinas municipais de Sarria estarán abertas dende o 28 de xuño ata o 27 de setembro. O horario será de 12 a 21 horas en xullo e agosto, e de 12 a 20 horas en setembro.
Os bonos individuais terán un prezo de 26,60 euros, e os familiares de 35,45 euros. A entrada para persoas maiores ten un prezo de 1,85 euros, e para nenos e nenas de 0,85 euros.•
Cargando ...
