•O orzamento ascende a algo máis de 35.000 euros, cofinanciados a partes iguais polo Plan de Obras e Servizos da Deputación e o propio Concello •As obras estarán completadas a mediados de xullo
• O pasado 22 de xuño, comezaron as obras de mellora da eficiencia enerxética do Pavillón Polideportivo Municipal de Monforte, que está a realizar o Concello cun orzamento de 35.356 euros, financiado a partes iguais polo Consistorio monfortino e a Deputación de Lugo a través do Plan de Obras e Servizos.
DOUS SISTEMAS PARA CALEFACCIÓN E AUGA QUENTE
Según explicaron dende a Concellería de Deportes, o Pavillón Municipal conta cun sistema de calefacción por chan radiante, instalado no ano 2011 dentro dun proxecto de renovación do pavimento da pista. Este sistema emprega o grupo térmico da instalación de climatización da Piscina Municipal, que forma parte do complexo deportivo, para a produción da auga quente necesaria, dispoñendo dun contador volumétrico para calcular o consumo da instalación.
Ademais, o Pavillón conta cun sistema de produción de auga quente sanitaria para as duchas dos vestiarios, para o que dispón dunha sala de caldeiras na propia instalación.
DESVINCULAR O EQUIPO ENERXÉTICO DO DA PISCINA
Según precisaron dende o Concello, o feito de depender da Piscina Municipal para o suministro da enerxía necesaria, maniféstase claramente ineficiente, á vez que se agrava a situación co feito de que a Piscina Municipal é xestionada por unha empresa privada, a diferencia do Pavillón Polideportivo, que é xestionado directamente polo Concello.
NOVO EQUIPO TÉRMICO INDEPENDENTE
Co fin de mellorar a eficiencia enerxética da instalación, independizando a esta da Piscina Municipal, vaise a instalar no Polideportivo un grupo térmico capaz de suministrar a potencia demandada polo chan radiante e o sistema de producción de auga quente para as duchas. Este sistema está composto por catro caldeiras de gasoil conectadas en cascada, e un sistema de apoio á producción de auga quente alimentado con enerxía solar.
O Concello encargou os traballos de mellora da eficiencia enerxética do Polideportivo á empresa Grupo Innovasol S.L. Os responsables municipais estiman que as obras estean completadas nun prazo de catro semanas.•
Cargando ...
