O socialista José Tomé Roca xurou o seu cargo como alcalde de Monforte de Lemos

O socialista José Tomé Roca, co bastón de mando logo da toma de posesión como alcalde de Monforte, o pasado 13 de xuño. EC.
O socialista José Tomé Roca, co bastón de mando logo da toma de posesión como alcalde de Monforte, o pasado 13 de xuño. EC.

• O 13 de xuño, día de San Antonio, tivo lugar a constitución das Corporacións locais, derivadas das eleccións municipais do 24 de maio. En Monforte, o socialista José Tomé Roca tomou posesión da alcaldía, nun emotivo acto que foi seguido por numeroso público congregado no Salón de Plenos. O alcalde saínte, Severino Rodríguez, entregou o bastón de mando ao novo rexedor, logo de 12 anos á fronte do consistorio monfortino. A investidura de Tomé contou cos votos favorables dos seis concelleiros do grupo socialista e os cinco edís do BNG, e cos votos en contra dos cinco concelleiros do Partido Popular, ademais da abstención da concelleira de Espertamonforte, que protagonizou a anécdota protocolaria da xornada, ao prometer o seu cargo portando o programa electoral desta formación política.

A nova Corporación local de Monforte, presidida por José Tomé Roca, estará integrada polos concelleiros socialistas Gloria Mª Prada Rodríguez, que será primeira tenente de alcalde; Iván Torres Rodríguez, segundo tenente de alcalde e voceiro do equipo de goberno; Mª del Pilar Espinosa Novelle; José Luis Losada Fernández; e Marina María Doutón Rajo.

Pola súa banda, o grupo municipal do Bloque Nacionalista Galego está integrado por Pilar López Martínez, Alicia Cadarso, María Xosé Vega Buján, Emilio José Sánchez Iglesias, e Víctor López Mateo.

Asimesmo, o grupo municipal do Partido Popular está formado por Julia Rodríguez Barreira, Iván Vázquez Rodríguez, Purificación Argiz Quintas, Francisco Cela Rodríguez, e Manuel López Sánchez.

En representación de Espertamonforte! está a concelleira Maribel García Díaz.•

El pase de diapositivas requiere JavaScript.

 

Deixa unha resposta

Your email address will not be published.

Nova Anterior

Do 1 ao 15 de xullo poderán solicitarse en Monforte as axudas municipais para libros de texto e material complementario

Seguinte Nova

Monforte celebrou un San Antonio pasado por auga

Últimas noticias sobre GALERÍA

     
A %d blogueros les gusta esto: