• A Deputación de Lugo, en colaboración coa Escola de Organización Industrial (EOI), está a organizar preto de 20 xornadas gratuítas e abertas ao público, dirixida ao tecido empresarial da nosa provincia. Estas conferencias ofrecen asesoramento en implantación de novas tecnoloxías e xestión comercial, co obxectivo de mellorar a competitividade das micropemes e dos autónomos lucenses.
As xornadas comezaron o 22 de xuño en Monforte e Lugo, e continuarán ata o 18 de setembro, en Sarria, Chantada, Ribadeo, Vilalba e Viveiro. As charlas serán impartidas por consultores e profesionais do sector, como Tania Abalde, Ángel Colsa, Fátima Cachafeiro, Juan López, Rodrigo Gómez ou Silvia Berrio. Ademais, os 300 autónomos e micropemes anotados no Proxecto de Dinamización de Tecido Empresarial participarán nalgunha destas charlas .•
Cargando ...
