Ata o 12 de agosto para inscribirse na III Edición do Obradoiro de Verán Música e Baile de Monforte

O obradoiro desenvolverase do 17 ao 28 de agosto As clases están dirixidas a todos os públicos A actividade ofrece 15 modalidades de música, 4 de baile e 1 combinada

O Concello de Monforte vén de presentar a III Edición do Obradoiro de Verán Música e Baile, unha iniciativa dirixida a todos os públicos e que terá lugar do 17 ao 28 de agosto.

HORARIOS E CURSOS

As sesións desenvolverase nas dependencias do Conservatorio Municipal Mestre Ibáñez, situado no Edificio Multiusos de Monforte, en horario de 10 a 13 horas, agás o curso de Baile de Salón, que se celebrará de 20 a 21 horas.

Según explicaron os responsables municipais, a terceira edición deste Obradoiro de Verán inclúe 15 especialidades de música, 4 de baile e unha opción combinada de Música e Movemento- Hip Hop, destinada a nenos e nenas de 5 a 9 anos. Todos os cursos serán impartidos por profesores especializados en cada materia.

En música, o Obradoiro ofrece cursos de Improvisación e Creación Musical Moderna, Percusión Moderna, Percusión Tradicional Galega, Guitarra, Piano, Violín, Gaita, Saxofón, Clarinete, Trombón, Trompa, Trompeta, Tuba, Frauta e Bombardino.

Por outra banda, a modalidade de baile ofrece cursos de Ballet Clásico a partir de 6 anos, Danza Moderna a partir de 9 anos, Danza Tradicional Galega para todas as idades, e Baile de Salón para adultos. En cada modalidade, organizaranse grupos por idades.

Ademais, en todas as actividades establécense niveis de iniciación, básico, de reforzo ou avanzado.

O prezo da matrícula é de 25 euros por alumno, cun máximo de 3 modalidades por participante. O prazo de inscrición está aberto ata o 12 de agosto. Para máis información, están dispoñible os teléfonos 982 40 25 01 e 982 40 38 93.

Deixa unha resposta

Your email address will not be published.

Nova Anterior

O CANÓN DO SIL, UN DOS TRES ESPAZOS NOS QUE A XUNTA ESTREA O PROGRAMA DE TURISMO ORNITOLÓXICO «DE PÓLA EN PÓLA»

Seguinte Nova

MANUEL MARÍA SERÁ O ESCRITOR HOMENAXEADO O DÍA DAS LETRAS GALEGAS 2016

Últimas noticias sobre CULTURA

     
A %d blogueros les gusta esto: