Estes días, a sección sindical de CIG-Saúde no Hospital Comarcal de Monforte denunciou a intención do Sergas de suprimir un pediatra e trasladalo a Lugo. Según explicaron dende este sindicato, na actualidade a plantilla de Pediatría está formada por catro especialistas, un deles a media xornada. O sindicato defende que con este persoal poderíanse cubrir as gardas de fin de semana que están a atender pediatras que veñen de Vigo e Lugo «e que cobran en torno a 1.400 euros ó fin de semana». Os responsables de CIG-Saúde suliñan que para este servizo terían que contar coa axuda dun pediatra do Centro de Saúde, «simplemente facendo unha garda ao mes, cousa que xa está facendo actualmente». Dende o sindicato tamén propoñen que se pode incrementar o número de días de consulta de dous a catro, «co que estarían moito mellor atendidos os nenos de Monforte». Os responsables de CIG-Saúde esixen que se manteña a actual plantilla de pediatras do Hospital de Monforte. Ademais, piden a dimisión do xerente da área integrada de Lugo «por seguir levando a cabo o desmantelamento do Hospital Comarcal de Monforte dun xeito silencioso e procurando que non se entere ninguén, e sobre todo, non contando para nada co xerente do noso Hospital».•
Cargando ...
