En marcha o Tren Turístico da Ruta dos Viños Valdeorras-Ribeira Sacra

A directora de Turismo de Galicia, Nava Castro, participou na viaxe inaugural do Tren Turístico da Ruta dos Viños Valdeorras-Ribeira Sacra, o pasado 28 de xuño. GPXG.
A directora de Turismo de Galicia, Nava Castro, participou na viaxe inaugural do Tren Turístico da Ruta dos Viños Valdeorras-Ribeira Sacra, o pasado 28 de xuño.
GPXG.

• Dende o mes pasado están en marcha os Trens Turísticos do programa «Galicia a Todo Tren», unha iniciativa promovida por Turismo de Galicia en colaboración con Renfe e o Inorde que inclúe un total de sete rutas temáticas pola nosa Comunidade.

CALIDADE RESPECTANDO O MEDIO AMBIENTE

Xa en xuño arrincaba o Tren Turístico da Ruta dos Viños da Ribeira Sacra, e posteriormente iniciouse a temporada do Tren Valdeorras-Ribeira Sacra. Na viaxe inaugural, que tivo lugar o día 28, participou a directora de Turismo de Galicia, Nava Castro, que cualificou aos Trens Turísticos como «un exemplo de colaboración para ofrecer un produto de calidade grazas á creación de sinerxías que combinan o aproveitamento turístico do territorio e a preservación do medio ambiente».

MÁIS RUTAS ESTE VERÁN

Nava Castro resaltou que para este 2015 melloráronse os itinerarios e incluíronse novos proxectos ao programa «que amplían a oferta turística de Galicia e fomentan o desenvolvemento sostible do sector turístico galego». Castro explicou que este é un programa «moi completo que permite descubrir a nosa comunidade dun xeito distinto, e que incrementa a competitividade de Galicia como destino turístico».

MEDRA A DEMANDA ESTE ANO, CUN 25% DAS PRAZAS XA VENDIDAS NO PRIMEIRO MES

Segundo afirmou a responsable de Turismo da Xunta, o programa está a acadar gran acollida un ano máis. Neste senso, Castro sinalou que da totalidade das prazas ofertadas para esta tempada xa se venderon o 25%, cando no ano pasado nestas datas estaba vendido o 12% das prazas ofertadas.

MÁIS VIAXEIROS NA RIBEIRA SACRA

Asimesmo, a directora de Turismo de Galicia recalcou que este produto permitirá seguir mellorando as cifras turísticas da Ribeira Sacra e coñecela dende una perspectiva innovadora. Así, lembrou que no 2014 máis de 152.000 viaxeiros aloxáronse nos establecementos hoteleiros da Ribeira Sacra, o que supuxo un incremento do 20% en relación á cifra de viaxeiros do 2013. «Neste ano, esta cifra vai en aumento xa que nos cinco primeiros meses deste ano a Ribeira Sacra acolleu a case 52.000 viaxeiros, un 50% máis que no mesmo período de 2014», destacou Nava Castro.•

O Tren Valdeorras-Ribeira Sacra sae os días 12 e 25 de xullo, 9 e 22 de agosto, e 6, 20 e 27 de setembro O convoy parte da estación de Ourense ás 9,40 con destino a San Estevo de Sil A ruta inclúe paseo en catamarán pola Ribeira Sacra, traxecto en tren ata A Rúa, con visita a unha adega e tempo libre á hora do xantar, visita ao santuario As Ermidas, e traxecto en tren ata Os Peares visitando a súa estación-museo A volta a Ourense é ás 20,53 h.

Deixa unha resposta

Your email address will not be published.

Nova Anterior

Tomé propón trasladar o mercadillo do Parque dos Condes

Seguinte Nova

Entregados os premios da XXVII Cata dos Viños de Galicia

Últimas noticias sobre ASOCIACIONISMO

     
A %d blogueros les gusta esto: