• A comezos de xullo quedaron rematados os traballos de limpeza e acondicionamento da lagoa do Parque dos Condes. Según explicou o alcalde de Monforte, José Tomé, as tarefas foron realizadas polas brigadas municipais, que retiraron do fondo da lagoa e do regato das Malloadas o lodo acumulado durante os últimos tres anos. Ademais, repararon o sistema de osixenación ou geiser, que funcionará de 12 a 15 horas, e de 20 a 24 horas. Tamén se recuperou a casacada de auga debaixo da ponte que axuda a renovar a auga. Este dous sistemas contribuirán a reducir a materia orgánica da auga estancada, e permitirá ter limpa a lagoa durante máis tempo. O custe de reparación da maquinaria e do sistema de bombeo rondou os 5.000 euros.•
