Reparto de competencias no Goberno local de Quiroga

No Pleno de organización establecéronse as responsabilidades de Goberno nas diversas delegacións no Concello de Quiroga. Arquivo EC.
No Pleno de organización establecéronse as responsabilidades de Goberno nas diversas delegacións no Concello de Quiroga. Arquivo EC.

• A finais do mes pasado, o Concello de Quiroga celebrou o primeiro Pleno extraordinario do recente mandato, e no que quedaron constituídos os tres grupos políticos da Corporación, e as comisións informativas. Estas comisións estarán integradas polo alcalde que exercerá de presidente, por tres concelleiros do grupo popular, un concelleiro do PSdeG e un concelleiro do BNG.

REPRESENTACIÓNS E CALENDARIO DE PLENOS

Por outra banda, foron nomeados os representantes do Concello nos órganos colexiados. O alcalde Julio Álvarez representará ao Concello de Quiroga no Consello Escolar do IES de Quiroga, mentres que no Consello Escolar do colexio público a representante será Loli Sánchez. Pola súa banda, José Enríquez será o representante no GDR Río Lor, no Pacto Territorial de Emprego de Lemos, e na Mesa de Comercio Local. Por último, no Consorcio de Turismo Ribeira Sacra o representante será José Luis Rivera, e Ana Núñez terá este cometido no Consorcio Galego de Benestar-Escola Infantil.

Outros aspectos tratados no Pleno foi o calendario de sesesións, as dedicacións dos concelleiros e o reparto de delegacións. Por unha banda, estableceuse como día de celebración de pleno o último xoves dos meses pares, ás 13 horas. Asimesmo, aprobáronse tres dedicacións parciais correspondentes ás concellerías de Servizos Básicos e Atención ao Cidadán, a de Xuventude e Turismo, e a de Deportes e Piscinas.

COMPOSICIÓN DO GOBERNO LOCAL

Por último, deuse a coñecer a composición do Goberno local. Ana Núñez será primeira tenente de alcalde, mentres que o segundo tenente será Angel Rodríguez, e a terceira Loli Sánchez, e os tres integrarán a Xunta de Goberno. O reparto de delegacións será como sigue: Servizos básicos e Atención ao Cidadán correspondeu a José Enríquez; Benestar e Igualdade será competencia de Ana Núñez; Andrés Novoa levará Deportes e Piscinas; mentres que Rosa Arza encargarase de Xuventude e Turismo José Luis Rivera será o responsable de Cultura e Eventos. Educación e Infancia estarán a cargo de Loli Sánchez, e Angel Rodríguez encargarase de Medio Rural.•

 

Deixa unha resposta

Your email address will not be published.

Nova Anterior

Os Faladoiros do Luns en Sober despedíronse ata setembro cunha exposición de traballos

Seguinte Nova

Dezasete rapaces e rapazas participan este verán no III Plan de Emprego Xuvenil de Quiroga

Últimas noticias sobre INICIATIVAS

A %d blogueros les gusta esto: