O Alcalde coñeceu de primeira man as demandas do CEIP Monforte

• O alcalde de Monforte, José Tomé, visitou estes días o CEIP Monforte, para coñecer as necesidades deste centro, acompañado pola súa directora, María Núñez. Entre as demandas deste centro atópanse a recuperación das paradas do autobús escolar diante do bar Fión e na rúa Poetisa Sara Cao, a instalación dunha marquesiña, un aparcadoiro de bicicletas e a limpeza dos camiños lindantes. Ademais, a directora suxeriu aumentar a presenza da Policía Local nas horas de entrada e saída do centro. Tamén requiriu a reposición de cristais do pavillón, a pintura das pistas deportivas e a colocación dun aramado exterior, entre outros. O alcalde comprometeuse a acometer as obras máis urxentes antes do comezo do curso escolar.•