•A axenda institucional do alcalde de Monforte reserva os venres para a cita municipal coa veciñanza. Previa cita, o rexedor local, José Tomé Roca, está a atender directamente no seu despacho do Concello aos veciños e veciñas que o soliciten, e que queiran expoñerlle as súas queixas, demandas ou iniciativas.
A reunión deberá solicitarse no teléfono 982 402 501, ou a través do formulario inserto na web municipal, www.monfortedelemos.es. Dende o Concello informan que, de tratarse dun asunto puntual ou urxente, poderá habilitarse unha cita noutro día da semana. (Fotos: GPCM).