O CONCELLO DE MONFORTE E OS PRACEIROS TRABALLARÁN XUNTOS NA DINAMIZACIÓN DA PRAZA DE ABASTOS

Reunión cos praceiros no Concello 15.07.2015

A mediados de xullo, o alcalde de Monforte, José Tomé, reuniuse con boa parte dos propietarios dos postos da Praza de Abastos, para coñecer as súas demandas. Os praceiros transmitiron ao rexedor local a necesidade de dinamizar este espazo, e o alcalde manifestoulles «a implicación absoluta» do Concello coas súas demandas e coa mellora do Mercado. A proposta de Tomé, os praceiros aceptaron crear unha asociación que defenda os seus intereses de maneira conxunta e traballe na mellora da situación actual. Pola súa banda, o alcalde comprometeuse a abrir ao público, con carácter inmediato, a porta principal da Praza de Abastos, para que se poida acceder ós postos por esa entrada, máis visible e accesible, sobre todo para aqueles que non coñezan o edificio. O Concello tamén tratará de habilitar unha zona de carga e descarga próxima á porta de entrada actual dos praceiros. Pola súa banda, os comerciantes propuxeron ampliar os postos de venda a novos negocios para mellorar a oferta e atraer novos clientes. Tamén suxeriron que sería positiva a apertura do espazo gastronómico, para que se realicen nel actividades diversas que contribúan a facer máis atractiva a Praza de Abastos. (Foto: GPCM).•

Deixa unha resposta

Your email address will not be published.

Nova Anterior

Sarria vibrou coa XIV Concentración Moteira

Seguinte Nova

Recepción no Concello aos deportistas monfortinos participantes nos XI Xogos do Eixo Atlántico

Últimas noticias sobre ASOCIACIONISMO

A %d blogueros les gusta esto: