Convenio entre Benestar e Concello para o servizo de atención diurna aos maiores de Quiroga

A Xunta investirá neste servizo 150.000 euros

O alcalde de Quiroga, Julio Álvarez, e a conselleira de Traballo e Benestar, Beatriz Mato, durante a sinatura do convenio en Santiago o pasado 30 de xullo.  GPXG.
O alcalde de Quiroga, Julio Álvarez, e a conselleira de Traballo e Benestar, Beatriz Mato, durante a sinatura do convenio en Santiago o pasado 30 de xullo. GPXG.

• O pasado 30 de xullo, a conselleira de Traballo e Benestar, Beatriz Mato, asinou en sAntiago un convenio de colaboración co alcalde de Quiroga, Julio Álvarez, para a posta en marcha de servizos de atención diúrna que cubra as necesidades de 20 persoas maiores ou con dependencia en Quiroga.

CARACTERÍSTICAS DESTE CONVENIO

Según explicaron os responsables autonómicos, a Xunta investirá neste servizo un total de 150.000 euros entre 2015 e 2016. As actuacións contempladas inclúen a ampliación e adaptación dun edificio municipal de servizos sociais, que se destinará á atención diúrna para que os veciños poidan contar cun servizo de carácter asistencial e público onde reciban unha serie de coidados e atencións de carácter persoal, terapéutico e social.

Pola súa banda, o Concello de Quiroga, a través da sinatura deste convenio, comprométese a licitar, tramitar e levar a cabo todas as contratacións necesarias para a adaptación do edificio municipal, de xeito que permita poñer en marcha estes servizos.

Según os responsables da Consellería, esta actuación enmárcase na política do Goberno galego de garantir o dereito a que os servizos no medio rural sexan accesibles aos veciños e veciñas, adecuando os programas de atención social con fin de garantir a súa efectividade en dito medio. Esta iniciativa é complementaria a outras levadas a cabo no rural, como o Plan de Desenvolvemento Rural 2010-2014.

OUTRAS ACTUACIÓNS EN QUIROGA

Logo da sinatura deste convenio, a titular de Traballo e Benestar lembrou que este departamento autonómico mantén outras liñas de colaboración con Quiroga. Así, a finais de xullo rematou o campo de traballo de carácter internacional organizado por esta Consellería, e no que os voluntarios, realizaron tarefas de reinterpretación e acondicionamento do Camiño de Santiago ao seu paso por este municipio, a través dun obradoiro de sinalización e traballos de conservación e mellora do trazado.

Ademais, a Xunta financia un obradoiro de emprego de 20 alumnos no que inviste preto de 178.000 euros, e vén de incrementar nun 22,5 por cento % as horas do Servizo de Axuda no Fogar (SAF), entre outras actuacións.•

Deixa unha resposta

Your email address will not be published.

Nova Anterior

CAMPUS MUSICAL DE VERÁN EN CHANTADA

Seguinte Nova

Media ducia de apicultores participarán na XXIV Mostra do Mel de Quiroga

Últimas noticias sobre INFRAESTRUCTURAS

 
A %d blogueros les gusta esto: