•Música, deporte e actividades enchen a axenda do mes •O xoves 13 será a Festa da Infancia e da Xuventude, con actos todo o día, e o Festival Luar e Sons na Beira do Sil pola noite
• O mes de agosto vén cheo de actividades lúdico-culturais en San Clodio, organizadas polo Concello de Ribas de Sil, e que tendrán a súa máxima intensidade durante as Festas Patronais, do 13 ao 16 de agosto.
FESTA DA INFANCIA E DA XUVENTUDE O 13
A programación arrincou a primeira fin de semana de agosto, e a vindeira cita será o xoves día 13, coa Festa da Infancia e da Xuventude na Praia Fluvial.
De once e media á unha e media pola mañá, e de cinco e media ata as oito pola tarde, poderase disfrutar de inchables, fútbol humano, loita de gladiadores, e a visita de personaxes de debuxos animados como Peppa Pig ou Pluto, entre outras s. Xa ás oito, comezará o espectáculo infantil «Pucho e Gabardina e o misterio das burbullas», cunha minimerenda para nenos e nenas que participaron nos inchables. O espazo para a mocidade será a noite, dende as 22,30 co festival Luar e Sons na Ribeira do Sil 2015, coas actuacións de Laura Grandy, Rhys Lewis, e Tania Pereira Band, chegados dende Alemaña, Inglaterra e Asturias.
CARREIRA DE ORIENTACIÓN O DÍA 14
O venres 14 acollerá unha xornada de orientación. A partir das seis da tarde, celebrarase un xogo de orientación para os máis cativos, en forma de labirinto. De seis a sete e media inscribiranse os participantes na carreira de orientación para o público en xeral, e que partirá da Praia Fluvial ás oito. A continuación, haberá unha pancetada ás 21 horas na Praza do Concello. A xornada rematará coa actuación, á medianoite, da Banda Folk de Ribas de Sil, na Praza do Concello, e a verbena coa orquestra Xacobeo.
ACTOS DOS DÍAS 15 E 16
O sábado 15 de agosto, actuará ás 12,30 a Coral Renfe de Monforte, na igrexa parroquial de San Clodio, e ás 21,30 comezará a festa-verbena co grupo Midas. Xa o domingo 16, celebrarase ás 17,30 horas a tradicional Subida Ciclista a Torbeo, que acada a vixesimo primeira edición. Haberá paella xigante ás nove na Praza do Concello, e festa-verbena coa orquestra Marbella para pechar as Patronais.•
ACTOS TODO O MES
O teatro voltará o sábado 22, co monólogo de Alberto Fernández Montes, que ofrecerá o seu espectáculo «Alberte Contador» no Anfiteatro da Praia Fluvial a partir das 22 horas. O domingo 23 haberá un espectáculo de malabares a cargo de Manicus, no Anfiteatro da Praia, ás oito. O venres 28 será a actividade infantil «Rastrexo Pirata», a cargo de Tusitala, na Praia Fluvial ás 11,30, e o domingo 30, Caxoto ofrecerá o contacontos «Contos de medo que deixan durmir», no Anfiteatro ás 20 horas.•
•A veciñanza votou trasladar as Festas á Praza do Concello
• As Festas Patronais de San Clodio celebraranse este ano na Praza do Concello por decisión dos veciños, que votaron a favor desta nova ubicación no referendo convocado o 25 de xullo. Con 89 votos a favor da Praza e 73 a favor de manter a festa na rúa Ferrocarril, máis un voto en branco e outro nulo, a consulta popular contou cun 30% de participación da veciñanza convocada, que incluía aos veciños da parroquia de San Clodio maiores de idade, e aos non empadroados que viñeran colaborando coas festas nos últimos cinco anos. Según precisou o tenente de alcalde de Ribas de Sil, Roberto Castro, con esta decisión «haberá un macrorrecinto formado pola Praza do Concello e as rúas que desembocan nelas, sen os cortes de tráfico que antes había e cun espazo máis amplo para o desenvolvemento dos actos festivos». Castro tamén precisou que esta decisión non é irrevocable, «se é acertada ou non xa se verá, o importante é que foi decisión dos veciños».•
Cargando ...
