Amplo programa nas Festas Patronais de Chantada 2015

Actividades musicais, deportivas e culturais no programa das Festas Patronais de Chantada 2015. Arquivo EC.
Actividades musicais, deportivas e culturais no programa das Festas Patronais de Chantada 2015. Arquivo EC.

Chantada celebrará as  súas Festas Patronais 2015 do 20 ao 25 de agosto. Os eventos comezarán o xoves día 20, coa oitava edición das Olimpiadas Rurais no Campo da Feira vello. As actividades continuarán o venres 21, cando terá lugar na Praza de Santa Ana a Carreira de Moto-Plásticas. Tamén será o día da VIII Baixada de Carrilanas, e a xornada rematará cun concertó de rock na Praza García Arias, no que actuarán os grupos Hellorice, Terror Erótico Adolescente, Chasis e Los Pontiaks.

O sábado 22 de agosto iniciarase cos pasarrúas a cargo dos Gaiteiros da Escola Tradicional de Música. O deporte tamén estará presente, coa disputa do Trofeo Cafés Penela de Fútbol, entre os equipos Chantada Atlético e Bóveda. O fútbol seguirá co Trofeo Concello de Chantada, que enfrontará aos equipos S.D.Chantada e Xallas. A música ocupará parte da xornada, coa actuación da Banda Municipal de Gaitas do Concello de Chantada. O tradicional Folión de Carros centrará os actos culturais do día, e o pregón das Festas Patronais 2015 estará a cargo da catedrática chantadina Julia Varela. A xornada rematará coa verbena da orquestra Terra Nova, na Praza de Santa Ana.

O domingo 23 de agosto abrirá cos pasarrúas dos gaiteiros Os Arandos, que irán acompañados por cabezudos. Na animación musical das rúas tamén participará a Banda de Música Xuvenil de Barro, que ofrecerá un concertó. A continuación, a Praza do Cantón acollerá o XXIV Certame de Bandas de Música, coa participación da Banda de Música de Chantada, a Banda de Música Xuvenil de Barro, e a Banda de Música de Arca. A música continuará durante a xornada, coa actuación das orquestras La Fórmula na Praza de Santa Ana, e Players, na Avenida de Monforte.

O luns día 24 amencerá cos pasarrúas dos Gaiteiros da Escola Tradicional de Música, acompañados dos cabezudos. Tamén polas rúas actuará a Banda de Música de Antas de Ulla, que ofrecerá un concertó a continuación. O Campo da Feira Vello acollerá una Festa Infantil, e o deporte voltará coa disputa do Trofeo ICOS entre o Chantada B e o Ferreira. Logo da sesión de fogos artificiais, a orquestra Israel amenizará a noite na Praza de Santa Ana, e a orquestra Royal na Avenida de Monforte.

O martes 25 será a cita coa Festa da Empanada no Campo do San Lucas, amenizada cos Gaiteiros da Escola Tradicional de Música, ademáis das charangas Doctor Anchoa, Madialeva, e Garrafón.com. As festas rematarán coa verbena a cargo da orquestra Olympus na Praza de Santa Ana.

 

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Festas Patronais Monforte 2015: Artistas monfortinos xunto á cantautora Sés, a orquestra Olympus e o festival Rock & Lemos

Seguinte Nova

Ata o 4 de setembro para inscribirse no Taller de Prevención de Riscos Laborais en explotacións vitivinícolas que se celebrará o día 11 en Sober

Últimas noticias sobre ASOCIACIONISMO

Chantada contra o cancro

A solidariedade e a conciencia social uníronse en Chantada nunha loita colectiva contra o cancro. No pasado mes de decembro, a directiva
Ir aInicio

Don't Miss