Variada axenda de actividades para todos os públicos en Pantón

Continúan os Campamentos de Verán para os máis cativos Travesía en kayak polo Miño o día 10 para adolescentes ata 18 anos e acompañantes Preparativos para o Festival do Castro o 22 de agosto

• Pantón ofrece durante o mes de agosto unha interesante axenda de actividades para todos os públicos. Os máis cativos están a disfrutar xa dende xullo da programación dos Campamentos de Verán, unha iniciativa do Concello de Pantón destinada a encher as mañás do verán con actividades creativas e divertidas para nenos e nenas de 3 a 12 anos. Repartidos en dúas quendas por idade, os participantes aproveitan as mañás dos martes e xoves para desenvolver as súas habilidades manuais e creativas con diversas actividades e xogos, nos que tamén se inclúen teatro e saídas pola contorna de Ferreira.

Como novidade este ano, dende a Oficina Municipal de Información Xuvenil, en colaboración coa empresa de turismo activo Ferventía, organizan unha actividade para rapaces e rapazas de entre 13 e 18 anos, e na que poden participar tamén os seus pais e nais. Trátase dunha travesía en kayak polo Miño, que terá lugar o luns 10 de agosto pola tarde. A saída será dende a Praza do Concello ás 16,30 horas en coches particulares, ata o pantalán de Maiorga-Vilar de Ortelle, de onde sairán as embarcacións con paradas en puntos de interés, cunha duración total aproximada de 3 horas. En todo momento, os participantes estarán acompañados por monitores titulados.

Por outra banda, o Festival do Castro xa ten confirmada a presencia para o día 22 de agosto dos cataláns Muyayo Rif, como grupo invitado desta edición.•

Deixa unha resposta

Your email address will not be published.

Nova Anterior

Pantón acollerá en outubro a final do V Circuíto de Golf Sénior Turismo de Galicia

Seguinte Nova

Festas Patronais Monforte 2015: Artistas monfortinos xunto á cantautora Sés, a orquestra Olympus e o festival Rock & Lemos

Últimas noticias sobre ASOCIACIONISMO

A %d blogueros les gusta esto: