• A singular paisaxe das pallozas do Piornedo recuperou o seu aspecto logo da rehabilitación do teito destas edificacións senlleiras. As obras foron custeadas pola Xunta a través de Turismo de Galicia, e pola Deputación de Lugo, cunha dotación orzamentaria total de 260.000 euros.
REHABILITACIÓN DOS TEITOS, E TAMÉN SERVIZOS DE SANEAMENTO E ILUMINACIÓN PARA OS VECIÑOS
Logo da execución destes traballos, a mediados do mes pasado visitaron este enclave turístico e etnográfico do municipio de Cervantes a directora de Turismo de Galicia, Nava Castro, e o vicepresidente primeiro da Deputación, José Antonio García. En virtude do convencio de colaboración asinado entre ambas administracións, os traballos realizados incluíron, ademais da rehabilitación do teito das pallozas, a dotación dos servizos de saneamento e iluminación para a veciñanza do Piornedo.
Para completar estes traballos, foi preciso ampliar este ano o prazo en dúas ocasións, xa que as datas sinaladas inicialmente no convenio resultaron insuficientes.
A PALLOZA, UNHA DAS ICONAS MÁIS REPRESENTATIVAS DA GALICIA INTERIOR
Según destacaron dende Turismo de Galicia, a finalización destas obras nas pallozas do Piornedo supoñen «un novo pulo» para o sector turístico do territorio no que se asentan. Ademais, ao recuperar o seu aspecto orixinario, voltar a figurar como unha das iconas máis representativas da Galicia interior, dada a súa riqueza cultural e patrimonial.
VALOR ECOLÓXICO E RECOÑECEMENTOS OFICIAIS DA ZONA DE OS ANCARES
Xunto a esta singularidade arquitectónica e cultural, hai que sinalar a importancia do seu emplazamento nos Ancares, considerados Lugar de Importancia Comunitaria (LIC) na Rede Natura 2000, en virtude do seu valor xeolóxico e de gran reserva verde de Galicia. Os Ancares conta coa categoría de Reserva da Biosfera, Reserva Nacional de Caza, Zona de Especial Protección para as Aves, e Zona de Especial Protección do Oso Pardo.•
