O CB Sarria organizou unhas xornadas de portas abertas que rematan o día 11

Durante o verán, o CB Sarria organizou a actividade "Un verán de basket", na que participaron preto de cincuenta rapaces e rapazas de diferentes idades. (Foto cedida).
Durante o verán, o CB Sarria organizou a actividade «Un verán de basket», na que participaron preto de cincuenta rapaces e rapazas de diferentes idades. (Foto cedida).

• O Club Baloncesto Sarria afronta unha nova tempada «ilusionante» nas diferentes categorías. Para achegar a actividade do club aos cidadáns, organizan ata o venres 11 unhas xornadas de portas abertas. Os nenos e nenas que o desexen, poderán achegarse aos adestramentos que se celebran polas tardes no Pavillón do Chanto, na rúa Castelao.

Por outra banda, e según explicaron dende a directiva, o clube está a desenvolver dende finais de agosto e durante o mes de setembro unha campaña de captación de socios, co fin de aumentar a masa social desta entidade deportiva, con gran tradición no mundo do baloncesto lucense.

UN INTENSO VERÁN DE BALONCESTO EN SARRIA

No eido deportivo, o CB Sarria desenvolveu unha intensa programación durante o verán. Dende finais de xuño ata finais de agosto, tivo lugar a actividade «Un verán de basket», na que preto de cincuenta rapaces e rapazas disfrutaron da prática do baloncesto, asesorados por adestradores. A mediados de xullo, este programa fixo unha paréntese para o desenvolvemento do VII Campus Baloncesto no Camiño, no que participaron máis dun cento de rapaces de varios puntos de España e Portugal. O CB Sarria vén colaborando activamente na organización e realización deste Campus dende a súa primeira edición.

Setembro preséntase con igual intensidade para o CB Sarria, co inico das Escolas Deportivas nas diferentes categorías. Ademais, o curso comeza forte para os equipos senior, que competirán en primeira división autonómica, fronte a equipos da categoría do Estudiantes de Lugo, Leyma Basket Coruña, Arxil de Vilagarcía e Pío XII de Santiago. A novidade é a estrea do equipo feminino nesta categoría, logo do brillante papel realizado na pasada tempada.•

 

Deixa unha resposta

Your email address will not be published.

Nova Anterior

Balance positivo das actividades ao aire libre do verán de Monforte

Seguinte Nova

Os gandeiros continúan a súa loita na defensa do sector lácteo galego

Últimas noticias sobre ASOCIACIONISMO

A %d blogueros les gusta esto: