• A Consellería de Sanidade e a Cruz Vermella asinaron este mes un acordo marco de colaboración para o deseño e avaliación de programas de promoción do estilo de vida saudable e de envellecemento activo. Así, investigaranse os hábitos da poboación galega e a súa influencia sobre a saúde e calidade de vida. Ademais, deseñaranse programas de vida saudable e de prevención destinados a diversos colectivos, aos que se lle fará chegar información para mellorar o estilo de vida saudable según as súas características. O acordo tamén inclúe a avaliación da calidades dos programas postos en marcha, e a promoción de campañas informativas sobre estas cuestións por grupos de idade.
Esta iniciativa forma parte do Plan de Prioridades Sanitarias 2014-2016 da Consellería de Sanidade.•
