UGT-Lemos alerta da «alta precariedade»da contratación en agosto no sur de Lugo

Denunciaron que houbo casos de traballadores «que sumaron 3 contratos de media xornada nunha mesma semana»

• O sindicato UGT-Lemos valorou negativamente o aumento do paro que se rexistrou na comarca de Lemos no mes de agosto, cun repunte do 1% respeto ao mes de xullo, o que sitúa o número de desempregados en 3.164.

SITUACIÓN DE «EXPLOTACIÓN LABORAL»

Según o secretario desta formación sindical, Mario Docasar, a preocupación aumenta dado o tipo de contratación rexistrada, cunha alta precariedade que ascende ao 96% dos novos contratos. «Houbo moitos casos de traballadores aos que lles fixeron 3 contratos á semana, co agravante de que son contratos a media xornada, e que implicaban desprazamentos a Sarria, Chantada ou Quiroga». Dende UGT-Lemos consideran esta situación como «unha explotación laboral, xa que a pesar de ter un emprego, estes traballadores son pobres, xa que son salarios que non chegan a fin de mes».

Por concellos, destaca o incremento do paro rexistrado en agosto nos concellos de Chantada e Taboada, ambos cun 4% máis de desempregados que en xullo, cunha cifra final de 204 parados en Chantada e 137 en Taboada. Pola súa parte, Bóveda rematou agosto cun 3% máis de paro, con 74 desempregados.Monforte contabilizou unha suba do 2% respecto a xullo, cun total de 1.380 parados. No Incio, a suba foi do 1%, completando agosto con 74 parados. No resto dos concellos o desemprego baixou, cun destacado descenso do 9% en A Pobra do Brollón,, seguido de Ribas de Sil, cun 6% menos de paro, Pantón e Carballedo, cun 3% menos de desempregados, e Folgoso cun 2% de descenso. Agosto completouse cunha baixada do paro do 1% en Quiroga, O Saviñao e Sober.

Pola súa banda, na comarca de Sarria tamén se rexistrou unha baixada do desemprego en agosto, cun 2,4% menos de paro que en xullo, acumulando un total de 1.374 persoas sen traballo. En canto ao municipio de Sarria, acabou agosto con 958 parados, un 3,13% menos que en xullo.•

Deixa unha resposta

Your email address will not be published.

Nova Anterior

Os gandeiros continúan a súa loita na defensa do sector lácteo galego

Seguinte Nova

O BNG municipal propón que Monforte acolla refuxiados sirios

Últimas noticias sobre ASOCIACIONISMO

     
A %d blogueros les gusta esto: