•Dende o sindicato argumentan que este edificio é máis visitado que a delegación de Facenda, na que se acaba de instalar un elevador
• O secretario xeral de UGT-Lemos, Mario Docasar, amosou a súa queixa pola demora da Xunta en acometer a eliminación das barreiras arquitectónicas na casa sindical, cando xa está instalado un elevador na delegación de Facenda. Docasar lembrou que o Parlamento galego xa aprobara sendas iniciativas para proceder ás obras en ambos edificios. O secretario xeral de UGT-Lemos cargou contra a deputada popular Julia Rodríguez, lembrándolle que os dous edificios son propiedade do Ministerio de Traballo e Emprego, e que a casa sindical ten preto de 50.000 visitas ao ano, xa que atende a persoas «de todas as cores políticas, e tamén a non afiliados, e a moita xente con discapacidade ou minusvalías». Docasar pedirá a Rodríguez «explicacións desta marxinación da Xunta do PP aos cidadáns de Monforte».•
Cargando ...
