• Ata o 15 deste mes pode verse na sala de exposicións da Casa da Cultura Poeta Lois Pereiro de Monforte a mostra «Xunguir non é esmorecer, senón medrar», firmada pola fotógrafa ourensá Rita Blanco. A exposición conta con preto de trinta imaxes centradas en dúas das caracterizacións máis afamadas do Entroido ourensán, os Felos de Maceda e as Pantallas de Xinzo de Limia. Según explica Rita Blanco na información complementaria á mostra, a idea de elaborar estas imaxes xurdiu nun encontrol etnográfico internacional que se celebrou durante a pasada edición da Festa da Primavera en Murcia. Alí se deron cita representacións de diversos Entroidos do mundo, como o de Brasil ou Rusia. Os Felos e as Pantallas sorprenderon moito aos asistentes a este evento cultural, «e fomos un dos grupos que máis gustou ao público», suliña Blanco. Logo desta experiencia, a fotógrafa recollou no título da mostra o valor de unir forzas para dar a coñecer o Entroido ourensán, deixando a un lado a tradicional rivalidade entre figuras. •
