• A Xunta de Galicia vai destinar máis de 1,3 millóns de euros para iniciar a especialización do campus lucense da Universidade de Santiago de Compostela. Según adiantou o presidente da Xunta, Alberto Núñez Feijóo, a comezos deste mes, o Executivo autonómico xa deu o visto bo á sinatura dun convenio coa Universidade, e sentar as bases do Campus Terra. En primeiro lugar, crearase unha unidade técnica para que o campus interaccione cos sectores agrario, forestal e alimentario. Asimesmo, porase en marcha un portal web para dar visibilidade internacional ao Campus Terra e ás súas actividades. Outra das medidas será a creación do centro e-Terra para ofrecer formación non presencial que permita a captación de novos estudantes, ao tempo que se mellorarán as plataformas tecnolóxicas co fin de reforzar a investigación.
Núñez Feijóo explicou que estas medidas van orientadas a optimizar o sistema universitario, reducindo duplicidades e especializar cada un dos campos do sistema universitario público de Galicia. «Trátase de dar o paso definitivo para lograr que Lugo sexa o centro de referencia científica do eido agrario e gandeiro», suliñou o presidente.•
Cargando ...
