Dende mediados de agosto, a Fonte da Estación está operativa logo de tres anos sen funcionar. Os traballos para a súa recuperación consistiron na limpeza, desenferruxe da superficie, pintura, impermeabilización e reposición das luminarias do interior. A posta en marcha desta fonte responde a un «empeño persoal» do alcalde de Monforte, José Tomé, para poñer en valor as fontes urbanas, como xa fixo coa do Parque dos Condes. Está pendente a Fonte Cibernética, diante das Casiñas da Compañía, á espera da autorización para a conexión eléctrica. Mentres tanto, xa se pode disfrutar do xogo de luz e auga da Fonte da Estación de once da mañá ás tres da tarde, e de sete da tarde ata a unha da madrugada. (Foto: GPCM).
