•Na provincia de Lugo participarán 22 establecementos, que combinarán gastronomía e estadías de turismo rural do 11 de setembro ao 13 de decembro
• O vindeiro 11 de setembro comezará a nova edición do Outono Gastronómico, unha iniciativa posta en marcha por Turismo de Galicia co fin de dinamizar o turismo rural durante os meses de outono. Esta fórmula, que combina gastronomía con estadías en casas rurais, acada a súa novena edición, e se desenvolverá en 89 establecementos de toda Galicia ata o 13 de decembro. Por provincias, este programa inclúe 22 casas de turismo rural en Lugo, e outras tantas en Ourense. Pontevedra contará con 24 establecementos participantes, e A Coruña sumará outros 27.
ESTADÍAS RURAIS CON DOUS MENÚS DE TEMPADA A ESCOLLER
Según explicou a directora de Turismo de Galicia, Nava Castro, durante o Outono Gastronómico, os establecementos rurais convidan a gozar da gastronomía galega presentando cada un deles dous menús diferentes elaborados cos mellores produtos da tempada e exclusivamente concibidos para a ocasión. o programa inclúe varias opcións. Así, o «Menú Outono Gastronómico» consta de e ntrantes, primeiros e segundos prato, sobremesas, cafés ou infusións, viños con Denominación de Orixe galega e outras bebidas, a 30 euros por persoa. Por outra banda, o «Paquete Outono Gastronómico» permite degustar o menú Outono Gastronómico e pernoitar na casa rural elixida, na noite de venres ou sábado a escoller, co almorzo do día seguinte, por 120 euros para 2 persoas en cuarto dobre, ou 80 euros para unha persoa en cuarto individual. Tamén se ofrece o «Fin de Semana de Outono Gastronómico», que inclúe dous menús por persoa máis o aloxamento na noite de venres e sábado, por 200 euros para dúas persoas en cuarto dobre, e 140 euros para unha persoa en cuarto individual.
Asimesmo, a oferta «Fin de Semana Familiar Outono Gastronómico» inclúe ofertas para menores ata 14 anos. Así, para parellas cun neno, o paquete de menús e aloxamento será de 260 euros, e para parellas con 2 rapaces o prezo será de 300 euros.
Como novidade, agasallarase cunha botelliña de crema de licor ou cun doce «Capricho de Santiago» a todos os clientes da campaña.•
Cargando ...
