•A colleita comezou o 29 de agosto nunha adega de Amandi
• A vendima comezou cedo este ano na Ribeira Sacra. A finais de agosto, o Consello Regulador da Denominación de Orixe daba o seu permiso para que a adega Mª Otilia Arias García, da subzona de Amandi, procedera á colleita das uvas dende o día 29. Os técnicos do Consello Regulador valoraron as características e a ubicación dos viñedos desta adega de Sober, e verificaron que a uva cumplía os parámetros oficiais para vendimala. Estes controis de maduración iniciáronse en diversas parcelas representativas do ámbito da Denominación de Orixe o pasado 24 de agosto.
Nos últimos días do mes pasado, iniciaron a vendima Adegas Moure, de O Saviñao, e Algueira, na subzona de Amandi. A primeiros de setembro comezaron a colleita Val de Quiroga, na subzona de Quiroga-Bibei, e a adega Régoa, de Amandi. O primeiro fin de semana de vendima completouse con 842 quilos de mencía recollidos en Amandi, e 760 quilos de merenzao procedentes de Quiroga-Bibei.•
Cargando ...
