O Concello de Pantón vén de abrir o prazo de inscrición para as actividades de aerobic e ximnasia de mantemento. As sesións de aerobic comezarán o 19 de outubro, e se desenvolverán os luns e mércores de 19,45 a 20,45 horas. A actividade de ximnasia de mantemento realizarase os martes e xoves de 18,30 a 19,30 horas, nas instalacións habituais, a partir do 15 de outubro.
As persoas interesadas xa poden anotarse en calquera destas actividades, formalizando a inscrición nas Oficinas do Edificio Sociocultural, abertas de luns a venres de 10 a 20 horas, e os sábados de 10 a 13 horas.•